Berbatov kom United til bjargar - Almunia gaf mark

Tíu leikmenn Man. Utd unnu afar mikilvægan sigur á Bolton í dag, 1-0. Það var varamaðurinn Dimitar Berbatov sem skoraði eina mark leiksins eftir að United hafði misst mann af velli. Á sama tíma gerði Arsenal jafntefli gegn WBA. Fyrir vikið er Man. Utd komið með fimm stiga forskot í deildinni.

Leikur Man. Utd og Bolton var heldur bragðdaufur. Leikmenn Bolton leyfðu heimamönnum að sækja. Sóknarleikur heimamanna frekar fyrirsjáanlegur og kraftlítill. Vörn Bolton því ekki í miklum vandræðum.

Meira líf færðist í leikinn í siðari hálfleik en þá komu Dimitar Berbatov og Fabio af bekknum. Engu að síður létu mörkin á sér standa.

Fimmtán mínútum fyrir leikslok varð United síðan fyrir áfalli er Jonny Evans var rekinn af velli. Hann fór þá með takkana á undan sér í tæklingu og var réttilega rekinn af velli.

Tíu leikmenn United gáfust ekki upp og varamaðurinn Berbatov, sem fékk þau tíðindi fyrr í dag að hann ætti fast sæti í liðinu, svaraði því með að skora þrem mínútum fyrir leikslok.

Hann tók þá frákast í teignum og skilaði því í netið en með nokkrum herkjum þó. Mikilvægur sigur hjá tíu leikmönnum United.

Sir Alex Ferguson, stjóri Man. Utd, hóf fimm leikja bann í dag og það virtist ekki há honum mikið því hann var í stöðugu símasambandi við aðstoðarmenn sína og fékk að fara í klefa liðsins fyrir leik og í hálfleik.

Arsenal missteig sig á sama tíma er það sótti WBA heim. Síðara mark WBA mátti skrifa algjörlega á Manuel Almunia, markvörð Arsenal, sem stuðningsmenn félagsins hafa lítið saknað síðustu vikur og mánuði.

Þrátt fyrir erfiða stöðu gáfust leikmenn Arsenal ekki heldur komu til baka og náðu að jafna með tveimur mörkum á átta mínútna kafla.

Mikil spenna var á lokakaflanum en Arsenal náði ekki markinu sem vantaði til að vinna leikinn.

Úrslit:

Aston Villa-Wolves 0-1

0-1 Matthew Jarvis (38.)

Blackburn-Blackpool 2-2

0-1 Charlie Adam, víti (24.), 0-2 Charlie Adam (28.), 1-2 Christopher Samba (49.), 2-2 David Hoilett (90.+3).

Man. Utd-Bolton 1-0

1-0 Dimitar Berbatov (88.)

Rautt spjald: Jonny Evans, Man. Utd (76.).

Stoke-Newcastle 4-0

1-0 Jonathan Walters (28.), 2-0 Jermaine Pennant (46.), 3-0 Danny Higginbotham (48.), 4-0 Ricardo Fuller (90.+2).

WBA-Arsenal 2-2

1-0 Steven Reid (2.), 2-0 Peter Odemwingie (57.), 2-1 Andrey Arshavin (69.), 2-2 Robin Van Persie (77.)

Wigan-Birmingham 2-1

0-1 Liam Ridgewell (5.), 1-1 Tom Cleverley (24.), 2-1 Maynor Figueroa (90.+2)