Harðnar í átökum Biebers og Yeater

Talsmenn Justin Bieber tilkynntu í dag að söngvarinn myndi gangast undir faðernispróf. Tvítug stúlka frá San Diego, Mariah Yeater, segir Beibers vera barnsföður sinn. Hún greindi frá því í síðustu viku að Bieber hefði boðið henni baksviðs eftir tónleika og að þau hafi notið ásta á baðherbergi.

Níu mánuðum seinna eignaðist Yeater barn. Hún segir Beiber vera föðurinn. Hún vill fá meðlag.

Bieber þvertekur fyrir ásakanirnar. Talsmenn hans segja að Bieber vilji fara með málið alla leið fyrir dómstóla.

Yeater sagði í dag að hún hafi óyggjandi sannanir fyrir því að Bieber sé faðir barnsins.

Í viðtali sagði söngvarinn að hann vilji ganga frá málinu á réttmætan hátt og setja með því fordæmi fyrir allar þær stúlkur sem hugsanlega munu segja Bieber vera barnsföður sinn.