Enn flækjast málin hjá meintri barnsmóður Biebers

Vandræðin virðast ekki ætla að hætta hjá Mariah Yeater, 19 ára stúlku frá San Diego. Fyrr í vikunni greindi hún frá ástarfundi hennar og stórstjörnunnar Justin Bieber. Hún sagði Bieber vera barnsföður sinn.

Bieber þvertekur fyrir að hafa feðrað barnið.

Núna hefur komið í ljós að Bieber er ekki sá fyrsti sem Yeater hefur kennt við barnið heppna. Samkvæmt stjörnufréttasíðunni TMZ sagði Yeater fyrr á árinu að fyrrverandi kærasti hennar, John Terranova, væri faðirinn.

Terranova vildi ekkert kannast við barnið. Samkvæmt frásögn Frances Lippe, ömmu Terranova, trylltist Yeater þegar sonarsonur hennar neitaði faðerni. Yeater braut bílrúður á bíl Terranova og var lögreglan kölluð til.

Barnið fæddist 6. júlí síðastliðinn og heilsast vel. Því miður eru erfiðar tímar framundan. Engan skal öfunda af því að þurfa að bera eftirnöfnin Bieber eða Terranova.