Terry misst af milljarði í tekjur vegna hneykslismála

Markaðssérfræðingar hafa reiknað út að enski landsliðsfyrirliðinn, John Terry, hafi orðið af tekjum upp á rúman milljarð vegna vandræða utan vallar. Terry hefur lent í nokkrum hneykslismálum á ferlinum og það hefur orðið til þess að stórfyrirtæki hafa ekki mikinn áhuga á að vinna með leikmanninum.

Markaðssérfræðingarnir telja að fyrirliði enska landsliðsins eigi að geta tekið inn auglýsingatekjur upp á 280 milljónir á ári.

"Það að vera fyrirliði enska landsliðsins í fótbolta er ein mesta virðingarstaða sem hægt er að komast í. Stórfyrirtæki keppast venjulega um að semja við þann aðila en ekki í tilfelli Terry," segir einn þeirra sem stóð á bak við þessa úttekt.

"Terry hefur misst af ótrúlegum tækifærum. Leikmenn eins og David Beckham, Gary Lineker og Alan Shearer voru afar markaðsvænir og græddu ótrúlega mikinn pening á því að vera fyrirliðar enska landsliðsins."