O'Neill ætlar að gefa Gyan annað tækifæri

Martin O'Neill, nýráðinn stjóri Sunderland, segir að það komi vel koma til greina að fá sóknarmanninn Asamoah Gyan aftur til félagsins.

Gyan var lánaður til Al-Ain í Sameinuðu arabísku furstadæmunum nú í haust þar sem hann fær þrefalt hærri laun en hjá Sunderland, um 120 þúsund pund á viku.

Sunderland keypti kappann á sex milljónir punda en honum sinnaðist svo við Steve Bruce, fyrrum stjóra Sunderland sem var rekinn á dögunum.

O'Neill hefur nú tekið við og ætlar að athuga hvort það er hægt að kalla hann til baka úr láni frá Al-Ain. „Það er eitthvað sem ég ætla að skoða. Ég þarf að komast að því hver okkar staða í þessu máli er,“ sagði O'Neill.

„Ég óska nýja stjóranum, Martin O'Neill, alls hins besta,“ lét Gyan hafa eftir sér nýverið.