Ba á leiðinni til West Ham?

Senegalinn Demba Ba, liðsfélagi Gylfa Þór Sigurðssonar hjá Hoffenheim, er á leiðinni til West Ham að láni samkvæmt heimildum Sky Sports.

Allt benti til þess að Ba væri á leiðinni til Stoke fyrr í mánuðinum en hann féll á læknisskoðun og nú bendir allt til þess að næsti viðkomustaður Ba sé West Ham. Lið líkt og Everton, West Brom og Sunderland eru einnig talin vera á eftir Ba en svo virðist sem að West Ham hafi unnið kapphlaupið.

Talið er að Ba fari til West Ham að láni út tímabilið með klásúlu um kaup á leikmanninum í sumar. Hömmrunum veitir svo sem ekkert af liðsstyrk enda sitja þeir á botni ensku úrvalsdeildarinnar með 21 stig.