Man. Utd og Liverpool fá ekki að kaupa Ramirez

Umboðsmaður miðjumannsins Gaston Ramirez, leikmanns Bologna, hefur sagt forráðamönnum Man. Utd og Liverpool að slaka á því leikmaðurinn verði ekki seldur í janúar.

Þessi úrúgvæski strákur hefur slegið í gegn og fjölmörg félög vilja fá hann í sínar raðir.

Þessi 21 árs gamli leikmaður skrifaði undir nýjan samning við Bologna fyrr á árinu. Hann yrði því alls ekki ókeypis.

Þó svo hann verði ekki seldur í janúar er talið ansi líklegt að hann yfirgefi herbúðir ítalska liðsins næsta sumar.