Rooney gæti fengið þriggja leikja bann ef United áfrýjar

Forráðamenn Man. Utd velta nú fyrir sér hvort það sé gáfulegt fyrir félagið að áfrýja dómi aganefndar sem hefur dæmt Wayne Rooney í tveggja leikja bann fyrir munnsöfnuð í myndavél er hann skoraði gegn West Ham.

Eins og staðan er núna fær Rooney tveggja leikja bann fyrir munnsöfnuðinn en það bann gæti endað í þrem leikjum ef United áfrýjar. Félagið hefur daginn til þess að ákveða sig.

Að sama skapi gæti áfrýunardómstóll lækkað bann Rooney í einn leik. Það er því spurning hvort United sé til í að taka áhættuna.

Ákveði Man. Utd að áfrýja verður málið líklega tekið fyrir á morgun.