Lampard vill fara í þjálfun

Frank Lampard, leikmaður Chelsea, segist gjarnan vilja fara út í þjálfun þegar að ferli hans lýkur sem leikmaður.

Lampard hefur átt við meiðsli að stríða á tímabililnu og hefur sagt að hann muni sennilega aldrei jafna sig algerlega á þeim.

„Ég hef stundum hugleitt að það væri gaman að gerast knattspyrnustjóri einn daginn," sagði Lampard. „En ég hef líka velt fyrir mér hvort ég eigi ekki bara að segja alfarið skilið við íþróttina eftir að ég hætti að spila."

„Ég er aðeins skynsamari í dag og ég væri til í að afla mér þjálfaramenntunar og sjá svo til."

„Leikmenn sem spila í hæsta gæðaflokki hljóta að búa yfir einhverjum hæfileikum og við þurfum að eignast fleiri enska þjálfara í framtíðinni. Við höfum alls ekki verið að nota gamla leikmenn nógu vel."