Liverpool spurðist fyrir um Mark van Bommel

Umboðsmaður hollenska landsliðsmannsins Mark van Bommel segir að enska úrvalsdeildarfélagið Liverpool hafi sent Bayern München fyrirspurn vegna kappans.

Samningur van Bommel rennur út í sumar og eru taldar miklar líkur á því að hann fari frá Bayern nú í janúar.

Tottenham, AC Milan og Wolfsburg eru öll sögð hafa áhuga á van Bommel sem er 33 ára gamall. Umboðsmaður hans er Mino Raiola og segjast þeir vita vel af áhuga Liverpool.

„Það eru samt önnur tilboð sem eru meira heillandi," sagði Raiola. „Ég get ekki sagt með neinni fullvissu að hann verði áfram og okkur liggur ekkert á í neinum viðræðum. Ég verð bara að sinna minni vinnu vel."

„Ég verð að finna rétta félagið fyrir Mark og við höfum enn tíma til þess."