Neyðarástand í Dublin vegna flóða

Neyðarástandi hefur verið lýst yfir í Dublin höfuðborg Írlands vegna mikilla flóða í borginni.

Mikið úrhelli á þessum slóðum frá því um helgina hefur valdið því að götur og hús eru umlukin vatni sem og ein af stærstu verslunarmiðstöðvum borgarinnar. Eins manns er saknað eftir að flóðvarnir við á í grennd við borgina brustu.

Gúmmíbátar eru notaðir til að flytja fólk frá þeim hverfum sem orðið hafa verst úti. Miklar truflanir eru á almenningssamgöngum í Dublin vegna flóðanna og lestarferðir liggja niðri.

Veðurstofa Írlands hefur gefið út flóðaviðvaranir sem ná til stórra svæða i héruðunum Ulster og Leinster.