Enrique stefnir á Meistaradeildina með Liverpool

Varnarmaðurinn Jose Enrique segir að Liverpool sé með nógu gott lið til að tryggja sér þátttökurétt í Meistaradeild Evrópu nú í vor.

Liverpool mætir hans gamla félagi, Newcastle, í ensku úrvalsdeildinni í vor og geta með sigri jafnað Chelsea að stigum í fjórða sæti deildarinnar.

Liðinu hefur þó gert sex jafntefli í níu leikjum sínum á heimavelli til þessa og skorað bara 21 mark í deildinni á tímabilinu.

„Ég held að við getum gert betur og komist upp í Meistaradeildarsæti," sagði hann en fjögur efstu lið úrvalsdeildarinnar öðlast þátttökurétt í Meistaradeildinni. „Deildin er hins vegar mjög erfið vegna þess að Manchester City og Manchester United eru bæði betri en við."

„En félagið byrjaði að kaupa leikmenn í sumar og eyddi miklum pening í það. Ég held að þetta lið verði aftur í fremstu röð í framtíðinni."

„Ég er mjög ánægður hjá Liverpool og nýt þess að spila með leikmönnum eins og Maxi Rodriguez, Steven Gerrard og Luis Suarez. Það er auðvelt að spila með svo góðum leikmönnum."