Balotelli slær sér upp með klámmyndastjörnu

Svo virðist vera sem Ítalinn Mario Balotelli sé ekki við eina fjölina felldur. Kærastan hans er á Ítalíu og þá var Balotelli gripinn á stefnumóti með klámstjörnu.

Ljósmyndarar náðu myndum af Balotelli og Holly Henderson fyrir utan hótel í Manchester þar sem þau höfðu hist og átt saman góða stund.

Þau fóru ekkert sérstaklega leynt með ástúð sína því þau kysstust og föðmuðust á bílastæðinu.

Balotelli ku hafa hitt Henderson á næturklúbbi fyrir skömmu síðan og orðið afar hrifinn. Hann bar síðan töskurnar hennar út í bíl áður en þau kvöddust eftir stefnumótið.