Lauk 11 ára göngu hringinn í kringum heiminn

Göngu Kanadamannsins Jean Beliveau hringinn í kringum heiminn er lokið en hann var 11 ár á leiðinni.

Tekið var á móti Beliveau með hátíðahöldum í Montreal um helgina þegar hann lauk þar göngu sinni. Alls hefur Beliveau sem er 56 ára gamall gengið 75.000 km í gengum 64 lönd á leið sinni.

Gönguna hóf Beliveau í Montreal árið 2000 í kjölfar þess að skiltagerð sem hann átti í Montreal varð gjaldþrota en gangan hófst frá borginni á 45 ára afmælisdegi sínum. Hann gekk í austur í áttina að Atlantshafinu.

Á hinni 11 ára göngu sinni hefur Beliveau orðið ástfanginn í Mexíkó, gengið með túrban og langt alskegg í Súdan, borðað slöngur í Kína og fengið fylgd hermann á Filippseyjum svo dæmi séu tekin.

Beliveau notaði gönguna til að tala fyrir því að stjórnvöld í Kanada og öðrum löndum kæmu sér upp sérstökum friðarsendiherrum til að bæta samskiptin sín í millum.