Tryggvi: Okkur líður vel á Hlíðarenda

"Þetta mark sem við fengum á okkur í lok fyrri hálfleiks gaf þeim blóð á tennurnar. Ég þori ekki að fullyrða hvort þetta var víti en okkar maður lét plata sig í hreyfinguna. Hvort það varð síðan snerting veit ég ekki," sagði hetja ÍBV, Tryggvi Guðmundsson, sem skoraði tvö mörk í 2-3 sigri ÍBV á Val í kvöld.

"Ég er mjög sáttur við byjunina og fyrri hálfleik. Við urðum síðan ögn kæruleysir og héldum kannski að 0-3 myndi duga. Valsmenn eru öflugir og þetta var spennandi í lokin."

Þetta er í annað sinn í sumar sem ÍBV vinnur Val á Vodafonevellinum og kemur kannski ekki á óvart að ÍBV ætli að spila í Evrópukeppninni á þessum velli því þeim virðist líða vel þar.

"Þetta er bara okkar heimavöllur og okkur líður greinilega vel hérna. Þess vegna veljum við þennan völl," sagði Tryggvi léttur.