Umfjöllun: KR vann Reykjavíkurslaginn í Víkinni

KR gerði góða ferð í Víkina í kvöld þar sem liðið vann 2-0 sigur á Víkingum í miklum baráttuleik sem þó var aldrei grófur. KR var 1-0 yfir í hálfleik. KR er komið á toppinn í Pepsi-deildinni með sigrinum.

Fyrri hálfleiks verður ekki minnst fyrir fallegan fótbolta en engu að síður skoraði Óskar Örn Hauksson líklega eitt af mörkum sumarsins eftir rúmlega hálftíma leik. Stórkostlegt skot upp í samskeytin sem Magnús Þormar átti enga möguleika í þrátt fyrir að snerta boltann á leið sinni í markið.

Baráttan var í algleymingi í hálfleiknum en um fimm mínútum fyrir markið höfðu KR-ingar unnið stöðubaráttuna á miðjunni og hana gáfu þeir ekki eftir það sem eftir lifði leiks. KR-ingar bættu öðru marki við um miðbik seinni hálfleiks og voru alltaf líklegri til að bæta þriðja markinu við en Víkingur að klóra í bakkann. Það var ekki fyrr en á síðustu mínútu uppbótartíma að Víkingur átti góða tilraun að marki KR og Hannes þurfti að verja sitt fyrsta skot.

Góð byrjun KR á Íslandsmótinu heldur því áfram en Víkingar fengu í kvöld fyrstu mörk sín á sig í mótinu. Sóknarleikur heimamanna var slakur í kvöld en ljóst var að getu munurinn á liðunum er mikill og þessi góða byrjun KR á Íslandsmótinu ætti að gefa þeim byr undir báða vængi í baráttunni í sumar.

Víkingur - KR 0-2

0-1    Óskar Örn Hauksson ´35

Viktor Bjarki Arnarsson ´70



Víkingsvöllur. Áhorfendur: 1613

Dómari: Guðmundur Ársæll Guðmundsson 6

Skot (á mark): 4-8 (1-6)

Varið: Magnús 4 – Hannes 1

Hornspyrnur: 5-5

Aukaspyrnur fengnar: 14-12

Rangstöður: 1-6



Víkingur (4-3-3):

Magnús Þormar 6

Walter Hjaltested 4

Egill Atlason 5

Mark Rutgers 6

Hörður Sigurjón Bjarnason 6

Denis Abdulahi 3

(50. Ingólfur Þórarinsson 4)

Halldór Smári Sigurðsson 4

Baldur Ingimar Aðalsteinsson 5

Sigurður Egill Lárusson 3

(75. Pétur Georg Markan -)

Gunnar Helgi Steindórsson 3

(62. Björgólfur Takefusa 5)

Helgi Sigurðsson 4

KR (4-3-3):

Hannes Þór Halldórsson 6

Magnús Már Lúðvíksson 6

Skúli Jón Friðgeirsson 6

Grétar Sigfinnur Sigurðarson 7

Guðmundur Reynir Gunnarsson 7

Bjarni Guðjónsson 7

*Viktor Bjarki Arnarsson 7 Maður leiksins

(88. Dofri Snorrason -)

Baldur Sigurðsson 5

(62. Ásgeir Örn Ólafsson 5)

Óskar Örn Hauksson 7

Kjartan Henry Finnbogason 7

(75. Gunnar Örn Jónsson -)

Guðjón Baldvinsson 6