Bjargaði lífi hunds með því að beita munn við munn aðferðinni

Slökkviliðsmaðurinn Mike Dunn beitti heldur óvenjulegri aðferð í vinnu sinni á dögunum þegar hann bjargaði lífi hunds sem var inni í brennandi húsi.

Þegar slökkviliðsmenn komu að húsinu sem stóð í ljósum logum tóku þeir eftir því að hundurinn Sunny lá á gólfinu. Þeir héldu fyrst að hann væri dáinn og báru hann út úr húsinu. Þar tók Mike við hundinum sem sýndi engin merki um að vera á lífi. Hann tók þá upp á því að beita munn við munn aðferðinni á hundinn.

Um hálftíma síðar fór hundurinn Sunny sýna lífsmark og lét þá Mike súrefnisgrímu á trýnið á hundinum. Þegar hundurinn fór að gelta brutust út mikil fagnaðarlæti.

Mike segir við breska fjölmiðla að hann hafi aldrei heyrt að aðferðinni væri beitt á dýr en ekki sakaði að prófa því hún virkaði á manneskjur.

Eigendur hundsins fóru út í búð að versla þegar kviknaði í húsinu þeirra. Þau segja að Mike sé hetja eftir að hafa bjargað lífi hundsins.