Ólafur þurfti að gera fjórar breytingar á liðinu - Hallgrímur byrjar

Ólafur Jóhannsson, þjálfari karlalandsliðsins, hefur tilkynnt byrjunarliðið sitt fyrir síðasta heimaleik liðsins undir hans stjórn. Ísland mætir Kýpur á Laugardalsvellinum í undankeppni EM og hefst leikurinn klukkan 18.45.

Ólafur varð að gera fjórar breytingar á byrjunarliði sínu frá því í tapinu á móti Norðmönnum í Osló á föstudaginn. Stefán Logi Magnússon og Rúrik Gíslason eru í banni í leiknum í kvöld, Indriði Sigurðsson er veikur og Sölvi Geir Ottesen er meiddur.

Þeir sem koma inn í byrjunarliðið eru þeir Hannes Þór Halldórsson, Hallgrímur Jónasson, Kristján Örn Sigurðsson og Birkir Bjarnason. Hannes er að fara að spila sinn fyrsta A-landsleik í kvöld.

Byrjunarlið Íslands á móti Kýpur í kvöld:

Markvörður: Hannes Þór Halldórsson

Hægri bakvörður: Birkir Már Sævarsson

Miðvörður: Kristján Örn Sigurðsson

Miðvörður: Hallgrímur Jónasson

Vinstri bakvörður: Hjörtur Logi Valgarðsson

Tengiliður: Helgi Valur Daníelsson

Tengiliður: Eggert Gunnþór Jónsson

Hægri kantur: Birkir Bjarnason

Sóknartengiliður: Eiður Smári Guðjohnsen

Vinstri kantur: Jóhann Berg Guðmundsson

Framherji: Kolbeinn Sigþórsson



Varamannabekkurinn:

Haraldur Björnsson

Matthías Vilhjálmsson

Jón Guðni Fjóluson

Arnór Aðalsteinsson

Steinþór Freyr Þorsteinsson

Björn Bergmann Sigurðarson

Alfreð Finnbogason