Hjón í Bandaríkjunum eru nú á leið fyrir rétt ákærð fyrir að hafa húðflúrað börnin sín sex. Foreldrarnir höfðu búið til sína eigin húðflúrvél úr blekpenna og gítarstreng og æft sig á börnunum sem eru á aldrinum 10 til 17 ára.
Móðirin gerir lítið úr málinu í samtölum við fjölmiðla og segist ekki skilja fjaðrafokið því börnin hafi öll beðið um flúrið auk þess sem blekið muni örugglega hverfa með tímanum.
Öll börnin fengu svarta krossa á handarbakið en eitt þeirra skartar einnig fallegu flúri þar sem stendur: „Mamma og Pabbi."
