Ferguson býst ekki við Scholes í landsliðinu

Frábær frammistaða miðjumannsins, Paul Scholes, í upphafi leiktíðar hefur vakið mikla athygli og margir vilja sjá Scholes aftur í enska landsliðinu.

Scholes lagði landsliðsskóna á hilluna eftir EM árið 2004 en hann hafði þá leikið 66 landsleiki.

Fabio Capello landsliðsþjálfari leitaði til hans fyrir HM en gaf Scholes stuttan umhugsunartíma. Svo stuttan að Scholes sagði nei en hann hefur síðar játað að hafa líklega þekkst boðið hefði hann fengið rýmri umhugsunartíma.

Sir Alex Ferguson, stjóri Man. Utd, býst ekki við því að Scholes snúi aftur í landsliðið á þessum tímapunkti.

"Ég veit ekkert með landsliðið en ég býst ekki við því að hann fari í landsliðið," sagði Ferguson.