Myrti og át eiginkonuna í Vegas

Bandarískur karlmaður á sjötugsaldri hefur verið dæmdur í lífstíðarfangelsi fyrir að myrða eiginkonu sína á hóteli í Las Vegas fyrir fjórum árum.

Maðurinn taldi að konan hefði hug á að fara fram á skilnað og taka með sér stóran hluta fjölskylduarfs hans en það hugnaðist manninum ekki. Hann bauð því konunni til Las Vegas í tilefni fimmtugsafmælis hennar. Þegar þangað var komið skaut maðurinn eiginkonu sína til bana og sundurlimaði lík hennar. Síðar viðurkenndi hann að hafa eldað og borðað hluta af líkinu.