Vilja koma í veg fyrir hrun

Timothy Geithner, fjármálaráðherra Bandaríkjanna, vill auka gagnsæi og setja fram hertar kröfur um eiginfjárstöðu fjármálafyrirtækja.

Fjármálaráðherrar tuttugu stærstu iðnríkja heims funduðu um framtíð fjármálamarkaða í Suður-Kóreu um helgina og stilltu saman strengi sína fyrir leiðtogafund iðnríkjanna í Kanada síðar í mánuðinum.

Breska dagblaðið Telegraph segir reiknað með að á fundinum verði efnahagsmál Evrópu í brennidepli og forvarnir ræddar til að koma í veg fyrir að lönd lendi í alvarlegum skuldavanda. - jab