Skrtel framlengdi við Liverpool

Slóvakinn Martin Skrtel hefur skrifað undir tveggja ára framlengingu á samnigi sínum við Liverpool. Hann er nú samningsbundinn til ársins 2014.

Skrtel byrjaði leikinn gegn Arsenal um síðustu helgi og segist vera í skýjunum með að hafa framlengt.

"Ég hef verið hér í þrjú ár og mér líkar lífið mjög vel. Mér líkar við borgina, klúbbinn og stuðningsmennina og ég er ánægður að ná að framlengja samninginn minn."

"Fyrir mér er Liverpool einn stærsti klúbbur heims og ég er stoltur að fá að vera hérna áfram," sagði miðvörðurinn.