Yfirvöld í Hong Kong samþykktu í gær tillögu auðjöfurs nokkurs sem boðist hefur til að standa straum af kostnaði við að breyta heimili bardagalistastjörnunnar Bruce Lee í ferðamannastað.

Lee átti gríðarstórt einbýlishús á tveimur hæðum í Hong Kong sem til stóð að breyta í ódýrt hótel, aðdáendum hans til mikillar skelfingar. Af því verður þó ekki og verður húsið nú að eins konar safni til minningar um goðsögnina, en Bruce Lee lést árið 1973.