Líkir ástandinu í Teheran við knattspyrnuleik

Mahmoud Ahmadinejad nýkjörinn forseti Írans líkti óánægju andstæðinga sinna og mótmælum þeirra við knattspyrnuleik. Hann lofaði kosningarnar og sagði þær endurspegla vilja fólksins fyrir umheiminum.

„Sumt fólk er tilfinninganæmt og verður spennt," bætti hann við þessu skrýtnu ummæli sínu. „Eins og ég sagði, þá líki ég ástandinu við knattspyrnuleik. Þeirra lið van ekki leikinn," sagði Ahmadinejad.

Ástandið sem hann var að bera saman við knattspyrnuleik var í höfuðborginni Teheran í nótt en þá voru yfir hundrað manns handteknir og þurfti lögregla meðal annars að beita táragasi. Fólkið er ósátt með úrslit forsetakosninganna í landinu.

„Þegar allt kemur til alls, þá held ég ekki að við eigum í miklum erfiðleikum. Tilfinningar fólks eru miklar og stundum gerir það hluti úti á götum, við erum hinsvegar með fjörutíu milljónir manna sem studdu okkur og það sem er að gerast á götum er eins og knattspyrnuleikur."