Erlent

Brown mun ekki segja af sér

Gunnar Örn Jónsson skrifar
Gordon Brown, forsætisráðherra Bretlands
Gordon Brown, forsætisráðherra Bretlands
Gordon Brown, forsætisráðherra Bretlands, segir að ný ríkisstjórn muni einbeita sér að því að þjóna þjóð sinni af heilum hug en fimm ráðherrar hafa sagt af sér á undanförnum fjórum dögum.

Hann segir vikuna hafa verið mjög erfiða fyrir sig og ríkisstjórn sína en þvertekur fyrir að hann muni segja af sér. Stjórnarandstaðan hefur skotið fast að forsætisráðherranum og mikil pressa hefur verið á honum að segja af sér.

„Við berjumst fyrir því sem við trúum á, við munum ekki bugast og ég mun ekki segja af mér. Ég held mínu starfi áfram og klára það verk sem ég byrjaði á“, sagði Gordon Brown við breska fjölmiðla.






Tengdar fréttir

Hugsanleg afsögn innanríkisráðherra Bretlands

Breskir miðlar greina frá því í dag að Jacqui Smith, innanríkisráðherra Bretlands, muni segja af sér á næstu dögum vegna enn eins hneykslismáls þingmanna breska þingsins er varðar óheimil útgjöld þeirra.

Annar ráðherra Browns segir af sér

Breskir fjölmiðlar greina frá því í dag að Hazel Blears, ráðherra sveitastjórnarmála í Bretlandi, hafi sagt af sér embætti sökum óheimilla útgjaldaliða.

Brown berst í bökkum

Breski forsætisráðherrann Gordon Brown á í vök að verjast þessa dagana en sótt er að honum úr öllum áttum, meðal annars vegna hins eldfima kostnaðarmáls sem heldur betur hefur hrist upp í breskum þingheimi undanfarnar vikur.

Ráðherrar í stjórn Browns segja af sér

Breski innanríkisráðherrann Jacqui Smith ætlar að segja af sér embætti á næstu dögum, að því er breskir fjölmiðlar greindu frá í gær.

Mest lesið


Fleiri fréttir

Sjá meira


×

Mest lesið