Distin afar ánægður með Saha

Sylvain Distin hrósar liðsfélaga sínum hjá Everton, Louis Saha, í bak og fyrir enda hefur framherjinn verið iðinn við kolann í vetur.

Saha er búinn að skora níu mörk í vetur og hefur þaggað niður í mörgum gagnrýnisröddum.

„Hann virðist skora í hvert skipti sem hann gengur út á völlinn. Það er magnað að hafa leikmann eins og Louis í sínu liði," sagði Distin sem kom til félagsins frá Portsmouth.

„Hann hefur heillað mig. Saha er frábær leikmaður og það sést um hverja helgi."