Ný rannsókn sýnir engin tengsl milli farsímanotkunar og heilakrabbameins

Þrátt fyrir að farsímaeign sé nú mjög algeng hefur tíðni heilakrabbameins ekki aukist, samkvæmt niðurstöðum nýrrar rannsóknar. Þetta þykir benda til þess að það sé ekkert samhengi á milli heilakrabbameins og farsímanotkunar.

Um er að ræða norræna langtímarannsókn sem stóð yfir frá árinu 1974 til ársins 2003. „Ef það væri samhengi á milli heilakrabbameins og farsímanotkunar að þá hefðum við séð aukningu," segir dr. Isabelle Deltour, sem stendur að baki rannsókninni, í samtali við Danmarks Radio. Hins vegar hafi tíðnin ekki aukist.

Rannsóknin var gerð í Danmörku, Noregi, Svíþjóð og Finnlandi.