Ancelotti heldur mest upp á Elton John

Carlo Ancelotti, stjóri toppliðs Chelsea í ensku úrvalsdeildinni, var mjög kátur með að dragast á móti Watford í þriðju umferð ensku bikarkeppninnar en dregið var um helgina.

Ástæðan er að Chelsea mætir Watford og vonast ítalski stjórinn til að hitta uppáhaldstónslistamanninn sinn í tengslum við leikinn.

„Elton John var eigandi Watford fyrir nokkrum árum en hann er minn uppáhaldssöngvari. Þessi leikur gefur mér kannski möguleika á að hitta Elton John," sagði Carlo Ancelotti af einlægni þegar ljóst var að Chelsea myndi mæti Heiðari Helgusyni og félögum í Watford.

Elton John er heiðursformaður Watford en liðið er í ensku b-deildinni og er sem stendur í 9. sæti með jafnmörg stig en slakar markatölu en Cardiff sem er í áttunda sætinu.