McCain hvetur Obama til að fjölga hermönnum í Afganistan

John McCain er meðal þeirra öldungadeildarþingmanna Repúblíkanaflokksins sem hvetja Barack Obama Bandaríkjaforseta til að fjölga bandarískum hermönnum í Afganistan.

Öldungadeildarþingmennirnir segja að bandarískum hermönnum og hagsmunum Bandaríkjanna stafi ekki einungis ógn af Talibönum og Al Kaída hryðjuverkasamtökunum í Afganistan heldur einnig í Pakistan.

McCain sem var keppninautur Obama um forsetaembættið segir öfgamenn hafa styrkt sig mikið í báðum ríkjunum að undanförnu. Nýjasta dæmið sé árás og gíslataka öfgamanna á höfuðstöðvar pakistanska hersins í borginni Rawalipindi í gær þegar 19 létust.

Hillary Clinton, utanríkisráðherra Bandaríkjanna, hefur fordæmt árásina og sagði hana sýna þá ógn sem stjórnvöld búa við og mikilvægi þess að uppræta öfgamenn sem ógni öryggi á svæðinu og um leið Bandaríkjunum.