Vidic líklega með um helgina

Sir Alex Ferguson, stjóri Man. Utd, fékk góðar fréttir í dag því fastlega er búist við því að varnarmaðurinn Nemanja Vidic spili með liðinu um helgina gegn Aston Villa.

Allt að átta varnarmenn liðsins eru meiddir og því mikilvægt að einhverjir séu að tínast til baka.

Vidic hefur verið veikur en virðist vera búinn að hrista af sér flensuna.

Ferguson segist vera sáttur ef hann hafi Vidic, Evra, Carrick og Fletcher í vörninni hjá sér en miðjumennirnir stóðu sig afar vel í vörninni gegn Wolfsburg í Meistaradeildinni.