Erlent

Brutust inn í sendiráð Írana í Svíþjóð

Reiðir mótmælendur brutu sér leið inn í íranska sendiráðið í Stokkhólmi í gærkvöldi. Þeir voru að mótmæla úrslitum forsetakosninganna í Íran.

Nokkrir friðsamlegir mótmælafundir hafa verið haldnir í Stokkhólmi undanfarna daga. Í gær sauð hinsvegar uppúr þegar um 150 manns söfnuðust saman við íranska sendiráðið í borginni. Flest voru það Íranar.

Húsið var grýtt og brotnir í því gluggar. Síðan var hlið að garði sendiráðsins rifið niður. Nokkrir mótmælendanna þustu þá inn og tróðu sér inn um brotna glugga í sendiráðinu.

Til einhverra átaka kom við starfsmenn sendiráðsins. Fjölmennt lögreglulið var sent á vettvang og mótmælendunum var fleygt á dyr. Einn var handtekinn.

Sendiráð njóta friðhelgi og teljast hluti af landinu sem þau tilheyra. Það er á ábyrgð gestgjafaþjóðarinnar að gæta öryggis þeirra.


Tengdar fréttir

Átök milli mótmælenda og lögreglu

Lögregla og sérsveitir börðu niður mótmæli í Teheran í Íran í gær. Hundruð mótmælenda höfðu komið saman þrátt fyrir bann og hótanir íranskra yfirvalda.

Bretar kalla fjölskyldur heim frá Íran

Breska utanríkisráðuneytið hefur kallað fjölskyldur starfsmanna sendiráðsins í Íran heim vegna óróleika í landinu í kjölfar forsetakosninganna. Starfsmenn sendiráðsins munu dvelja áfram í Íran og sinna störfum sínum.

Þingmenn sniðgengu sigurveislu forseta Írans

Ríflega helmingur þingheims í Íran sniðgekk sigurveislu Mahmouds Ahmadinejads, endurkjörins forseta Írans, sem haldin var í gærkvöldi. Þetta mun til marks um djúpstæðan klofning á æðstu stöðum í Íran vegna forsetakosninganna fyrir hálfum mánuði.

Sjötíu prófessorar handteknir

Sjötíu háskólaprófessorar hafa verið handteknir í Teheran, höfuðborg Írans, fyrir að hafa hitt og stutt við bakið á stjórnar­andstöðu­leiðtoganum Mir-Hossein Mousavi. Þetta kom fram á heimasíðu Mousavis í gær. Á sama tíma lofaði hann að halda áfram baráttu sinni, þrátt fyrir tilraunir til að einangra hann.

Breskir embættismenn reknir frá Íran

Tveir breskir embættismenn í Íran voru sendir úr landi í gær. Það var gert í kjölfar ásakana um að bresk stjórnvöld hafi skipt sér með óeðlilegum hætti af kosningunum í Íran hinn 12. júní síðastliðinn.

Obama fordæmir ofbeldið í Íran

Forseti Bandaríkjanna, Barack Obama, fordæmdi aðgerðir írönsku ríkisstjórnarinnar gagnvart mótmælendum harðlega í dag.

Ætla með kosningaúrslitin fyrir dómstóla

Leiðtogar stjórnarandstöðunnar í Íran segjast munu leita réttar síns fyrir dómstólum vegna úrslita forsetakosninganna sem þeir fullyrða að hafi verið svindl.

Íranir endurskoða tengslin við Breta

Utanríkismálanefnd íranska þingsins, lagði í dag að utanríkisráðuneytinu, að endurskoða tengslin við Bretland vegna óviðurkvæmilegra afskipta af hinum umdeildu forsetakosningum.

Mótmælendur deyja í Íran

Ríkissjónvarpsstöðin í Íran greindi frá því í gær að þrettán hefðu látist í átökum mótmælenda og óeirðalögreglu í gær í miðborg Teheran í Íran. Fréttastofur á borð við CNN segja þó að tala látinna sé mun hærri.

Hluti atkvæða endurtalinn í Íran

Byltingarráðið í Íran hefur ákveðið að endurtelja tíu prósent atkvæða í þeim tilgangi að róa mótmælendur sem halda því fram að niðurstöður kosninganna 12. júní síðastliðinn séu rangar. Tugir þúsunda mótmæltu í dag í miðborg Teheran í Íran.

Rólegra í Teheran

Ró færðist yfir götur Teheran í Íran í dag eftir að ríkissjónvarpsstöðin þar í landi greindi frá því að tíu til viðbótar hafi látist í átökum mótmælenda og óeirðalögreglu í gær. Sjónvarpsstöðin greindi líka frá því lögregla hafi handtekið dóttur og fjóra aðra ættinga fyrrverandi forseta landsins, Hashemi Rafsanjani, í gær. Rafsanjani er einn valdamesti maður landsins.

Byltingarráðið ógildir ekki forsetakosningarnar

Byltingarráðið í Íran ætlar ekki að ógilda forsetakosningarnar sem fram fóru í landinu fyrr í mánuðinum enda bendi ekkert til alvarlegra annmarka á framkvæmd þeirra. Stjórnarandstæðignar eru hvattir til að mótmæla frekar. Guðjón Helgason.

Íranir segja CIA fjármagna mótmælin

Íranska innanríkisráðuneytið segir að bandaríska leyniþjónustan, CIA, fjármagni mótmæli síðustu daga gegn úrslitum forsetakosninganna í landinu fyrir tæpum hálfum mánuði. Það hafi Bretar og Ísraelar einnig gert.

Mousavi hvetur mótmælendur í Íran

Mir Hossein Mousavi, forsetaframbjóðandi og leiðtogi írönsku stjórnarandstöðunnar, hvetur fylgismenn sína til að halda áfram mótmælum gegn endurkjöri Mahmoud Ahmadinejad forseta.

Ban Ki-moon krefst þess að Íranar láti af ofbeldi

Ban Ki-moon, aðalritari Sameinuðu þjóðanna, krefst þess að stjórnvöld í Íran láti þegar af handtökum og ofbeldi gegn mótmælendum sem undanfarna daga hafa haft uppi hávær mótmæli vegna úrslita forsetakosninganna þar í landi en grunur leikur á að endurkjör Mahmouds Ahmadinejad forseta hafi verið knúið fram með vafasömum hætti.

Mest lesið


Fleiri fréttir

Sjá meira


×

Mest lesið