Hluti atkvæða endurtalinn í Íran

Byltingarráðið í Íran hefur ákveðið að endurtelja tíu prósent atkvæða í þeim tilgangi að róa mótmælendur sem halda því fram að niðurstöður kosninganna 12. júní síðastliðinn séu rangar. Tugir þúsunda mótmæltu í dag í miðborg Teheran í Íran.

Óeirðalögregla var á staðnum og er talið að hún hafi notað vatnsbyssur, kylfur og táragas til að halda aftur af mótmælendum. Æðsti trúarleiðtogi Írans, Auatollah Khamenei, varaði mótmælendur í gær við að halda áfram mótmælendum og fyrr í dag var óljóst um fyrirætlanir þeirra.

Fullyrt er að Mahmoud Ahmadinejad forseti landsins hafi verið endurkjörinn með miklum yfirburðum í nýafstöðnum kosningum en stuðningsmenn annars frambjóðenda fullyrða að svik séu í tafli. Samkvæmt fréttaveitum er erfitt að fá áreiðanlegar fréttir af ástandinu, en stjórnvöld í Íran hafa vísað fréttamönnum úr landi og reynt að takmarka fréttir af því óeirðaástandi sem nú ríkir í borginni Teheran.