Reading rak Rodgers

Enska knattspyrnufélagið Reading tilkynnti í dag að Brendan Rodgers knattspyrnustjóri hefði hætt störfum hjá félaginu.

Það var búist við miklu af Reading í vetur en liðið komst í umspil 1. deildar í fyrra. Allt hefur gengið á afturfótunum hjá liðinu sem er í 21. sæti deildarinnar.

Leitin að nýjum stjóra er hafin.

Íslendingarnir Brynjar Björn Gunnarsson, Gylfi Þór Sigurðsson og Ívar Ingimarsson eru á mála hjá félaginu og Gunnar Heiðar Þorvaldsson er á leið til félagsins.