Áttundi hver íbúi Kaupmannahafnar undir fátæktarmörkum

Í nýrri rannsókn sem unnin var af borgaryfirvöldum í Kaupmannahöfn kemur í ljós að áttundi hver íbúi borgarinnar lifir nú undir fátæktarmörkum.

Þótt að kannanir sýni að fátækt í heild hefur farið minnkandi á síðustu árum sökum batnandi efnahags sýnir þessi rannsókn meðal annars að bilið milli fátækra og ríkra eykst stöðugt. Ástæða þessa eru einkum að samfélagsaðstoð hefur ekki haldið í við launaþróun í Danmörku.

Þeir sem mynda þennan stóra hóp Kaupmannahafnarborgar, eða tæplega 16% af borgarbúum, eru fólk á framfæri félagsmálayfirvalda, innflytjendur og afkomendur innflytjenda. Hvað innflytjendur varðar lifa um 30% þeirra undir fátæktarmörkum sem skilgreind eru sem tekjur undir um sex þúsund krónum dönskum á mánuði eða rúmum 70 þúsund krónum. Rannsóknin sýnir að um 6.000 börn alast nú upp í borginni hjá fjölskyldum þar sem tekjurnar eru undir þessum mörkum.

Mikkel Warming einn af borgarstjórum Kaupmannahafnar segir að ful ástæða sé til að hafa áhyggjur af ástandi mála en rannsóknin muni verða leiðbeinandi fyrir borgaryfirvöld í að finna lausnir á vandanum.