Greiddi 11 kýr fyrir eiginkonu sína

Jacob Zuma, sem verður næsti forseti Suður-Afríku, hefur fundið sér fjórðu eiginkonu sína. Hann greiddi ellefu kýr fyrir hana. Zuma var í desember valinn formaður stærsta stjórnmálaflokks landsins Hann er 65 ára gamall. Fjórða eiginkonan heitir Nompumelelo Ntuli og er 33 ára. Blásið var til geysimikillar veislu eftir að brúðhjónin voru gefin saman. Brúðguminn var klæddur hlébarðafeldi og gúmmískóm, með spjót og skjöld meðferðis. Brúðurin var hins vegar hulin peningaseðlum sem gestir veislunnar höfðu meðferðis og færðu henni.