Lögregla send til að stöðva eyðingu frumskóga

Stjórnvöld í Brasilíu ætla að senda lögreglulið inn í frumskóga landsins á Amazon-svæðinu til að koma í veg fyrir eyðingu skóganna.

Myndir úr gerfihnöttum sýna að á síðustu fimm mánuðum síðasta árs voru um 3.000 ferkílómetrar af skógi ruddir og veldur það stjórnvöldum áhyggjum því þrjú árin þar á undan hafði dregið mjög úr skógarhögginu.

Eyðingin stafar aðallega að því að bændur eru að brjóta sér nýtt land þar sem heimsmarkaðsverð á korni, soyabaunum og nautakjöti hefur hækkað mikið á undanförnu ári.