Berlusconi krefst kosninga strax á Ítalíu

Silvio Berlusconi leiðtogi stjórnarandstöðunnar á Ítalíu krefst þess nú að kosningar verði haldnar strax í landinu. Sem kunnugt er sagði Romano Prodi af sér sem forsætisráðherra landsins í gærdag.

Flokkur Berlusconi hefur nokkuð forskot í skoðannakönnunum í augnablikinu. Afsögn Prodi var með hefðbundnum ítölskum hætti á þinginu. Einn þingmanna fékk hjartaáfall undir afsagnarræðunni og nokkrir andstöðuþingmenn tóku tappann úr kampavínsflöskum. Það leiddi til þess að forseti þingsins minnti þá á að þær væru ekki staddir á krá.