Prodi og Björn Ingi hættu sama daginn

Það var ekki bara Björn Ingi Hrafnsson sem sagði af sér í dag heldur gerði Romano Prodi forsætisráðherra Ítalíu slíkt hið sama.

Í öldungadeild ítalska þingsins fór fram atkvæðagreiðsla í kvöld um traustyfirlýsingu á ríkisstjórn Prodis. Þeirri atkvæðagreiðslu tapaði Prodi og því gekk hann á fund forseta landsins og sagði af sér.

Forsetinn getur boðað til nýrra kosninga en hann mun hefja viðræður á morgun við hina flokkana í landinu. Hann bað Prodi einnig um að sitja sem forseti uns búið væri að mynda nýja stjórn.

Niðurstaða kosningana er mikið áfall fyrir Prodi sem er 69 ára gamall.