Innlent

Vill að Björn segi af sér

Grétar Mar Jónsson.
Grétar Mar Jónsson.

Grétar Mar Jónsson, þingmaður Frjálslynda flokksins í Suðurkjördæmi, krefst þess að Björn Bjarnason dómsmálaráðherra segi af sér eftir að þar sem hann hafi bolað lögreglustjóranum á Suðurnesjum úr embætti.

Jóhann R. Benediktsson lögreglustjóri hefur farið fram á að láta að störfum næstu mánaðarmót vegna samstarfsörðugleika við Björn. Þrír af æðstu yfirmönnum Jóhanns gerðu hið sama.

Grétar Mar segir að Björn beri ábyrgð á þeirri stöðu sem upp er komin.

„Ég tel að þetta sé aðför að heilbrigri skynsemi. Það er augljóst að dómsmálaráðherra er að hefna sín á Jóhanni R. Benediktssyni þar sem áætlanir hans um að skipta upp embætti hans voru stöðvaðar," segir Grétar en hugmyndir Björns um að aðskilja tollgæslu- og löggæsluhlutverk embættisins á Suðurnesjum hefur orðið tilefni mikilla deilna.

„Björn Bjarnason ætti að segja af sér út af þessu máli því það er allt lýsandi fyrir óhæfi hans. Löggæslumál á Suðurnesjum eru nú í molum og það er á ábyrgð dómsmálaráðherra sem er algjörlega vanhæfur," segir Grétar sem fullyrðir að Suðurnesjamönnum sé heitt í hamsi vegna málsins.










Tengdar fréttir

Uppsögn Jóhanns kemur Birni á óvart

Björn Bjarnason, dómsmálaráðherra, segir að hann hafi fært fyrir því skýr efnisleg rök þegar þegar hann ákvað að auglýsa embætti lögreglustjóra á Suðurnesjum til umsóknar. ,,Að lögreglustjóri bregðist við á þann veg, sem fyrir liggur, kom mér á óvart," segir Björn í tölvupósti vegna fyrirspurnar Vísis til ráðherra.

Fjórir lykilstarfsmenn lögreglunnar á Suðurnesjum hætta

Jóhann R. Benediktsson, lögreglu- og tollstjórinn á Suðurnesjum, hefur í dag óskað eftir því við dómsmálaráðuneytið að fá að hætta störfum þann 1. október næstkomandi. Jóhann tilkynnti samstarfsfólki sínu þetta á starfsmannafundi í safnaðarheimili Keflavíkurkirkju í dag.

Engin ragnarök við brotthvarf Jóhanns

„Það er vissulega áhyggjuefni ef það eru miklar breytingar i stjórnkerfi lögreglunnar og það gæti haft áhrif á gæði þjónustunnar," segir Árni Sigfússon bæjarstjóri í Reykjanesbæ. Jóhanni R. Benediktssyni lögreglustjóra á Suðurnesjum hefur verið tilkynnt að embætti hans verði senn auglýst laust til umsóknar, án þess að hann hafi óskað eftir því.

Þjóðhagslega hagkvæmt að Björn segi af sér

Atli Gíslason, þingmaður Vinstri grænna, segir að það sé þjóðhagslega hagkvæmara að halda í yfirmennina hjá embætti lögreglustjórans á Suðurnesjum sem sögðu upp í dag en að Björn Bjarnason haldi áfram störfum sem dómsmálaráðherra.

Talið líklegt að Sigríður Björk sæki um á Suðurnesjum

Sigríður Björk Guðjónsdóttir aðstoðarríkislögreglustjóri vill hvorki játa því né neita að hún muni sækja um embætti Lögreglustjórans á Suðurnesjum en starfið var auglýst laust til umsóknar. „Það hefur engin ákvörðun verið tekin um slíkt,"

Jóhann: Óeðlileg samskipti við Björn

Jóhann R. Benediktsson, fráfarandi lögreglustjóra á Suðurnesjum, segir að frá því að tilkynnt var í mars um að skipta eigi lögregluembættinu upp hafi samskipti sín við Björn Bjarnason, dómsmálaráðherra, verið óeðlileg. Jóhann var gestur í Kastljósi fyrr í kvöld.

Löggæslumál á Suðurnesjum munu gjalda fyrir klaufaskap Björns

Bjarni Harðarson, þingmaður Framsóknarflokksins í Suðurkjördæmi, segir uppsögn Jóhanns Benediktssonar, lögreglustjóra á Suðurnesjum, og þriggja annarra lykilstarfsmanna hjá embættinu mjög slæmar og segist mjög ósáttur við hvernig dómsmálaráðherra hafi farið fram í málinu.

Lögreglumenn á Suðurnesjum ósáttir með duttlunga Björns

Félagsmenn í Lögreglufélagi Suðurnesja eru ósáttir við ákvörðun Björns Bjarnasonar, dómsmálaráðherra, um að auglýsa stöðu sitjandi lögreglustjóra á Suðurnesja lausa til umsóknar án nokkurs tilefnis. Þetta kemur fram í ályktun sam samþykkt var á félagsfundi Lögreglufélagsins fyrr í dag.

Alltaf vont að missa gott fólk að ósekju

Steinunn Valdís Óskarsdóttir, varaformaður þingflokks Samfylkingarinnar, segir óheppilegt í hvað farveg málefni lögreglunnar á Suðurnesjum eru komin. Eins og kunnugt er óskaði Jóhann Benediktsson lögreglustjóri eftir því að fá að láta af störfum um næstu mánaðamót og það hafa þrír aðrir lykilstarfsmenn einnig gert.

Mest lesið


Fleiri fréttir

Sjá meira


×

Mest lesið