Arsenal ætlar að sækja í kvöld

Varnarmaðurinn Kolo Toure hjá Arsenal segir að sókn verði besta vörnin í kvöld þegar liðið tekur á móti Tottenham í síðari leik liðanna í enska deildarbikarnum. Fyrri leiknum á White Hart Lane lauk með jafntefli 2-2 og verður síðari leikurinn sýndur beint á Sýn í kvöld.

"Lið Tottenham er hættulegt og staðan í einvíginu er 2-2. Við verðum að spila eins og við gerðum í síðari hálfleiknum í síðustu viku og við munum mæta í þennan leik með það fyrir augum að sækja til sigurs. Við höfum sýnt það að þetta lið okkar getur spilað mjög vel og á sér bjarta framtíð - en við verðum samt að passa að verjast vel gegn Tottenham," sagði Toure. 

Tottenham verður án manna eins og Ledley King og Dimitar Berbatov, en markaskorarinn mikli Julio Baptista verður ekki með Arsenal vegna meiðsla. Útsending Sýnar hefst klukkan 19:35 í kvöld, en þar að auki verða nokkrir leikir í ensku úrvalsdeildinni.

Bolton v Charlton, 20:00

Chelsea v Blackburn, 19:45

Man Utd v Watford, 20:00

Newcastle v Aston Villa, 20:00