Wenger langaði að kaupa Tevez

Arsene Wenger segist hafa velt því mikið fyrir sér að reyna að kaupa Carlos Tevez frá West Ham í sumar. Hann segist hafa hætt við það þegar hann frétti af áhuga Manchester United á Argentínumanninum.

"Þegar ég sá að United var strax komið inn í umræðuna mjög snemma, hugsaði ég að væri best að sleppa því að reyna að kaupa hann. Ég hefði samt eflaust reynt að fá hann ef United hefði ekki komið inn í málið," sagði Wenger.

"Ég vissi samt að ég væri með þá Van Persie og Adebayor og þeir urðu að fá leiki til að byggja upp sjálfstraustið. Svo var ég með Bendtner þar fyrir utan og ég vildi líka byggja hann upp."

"Það varð svo niðurstaðan að ég fékk Eduardo af því hann gat spilað svo margar aðrar stöður," sagði Wenger.