Everton-menn ósáttir við ummæli Benitez

Rafa Benitez, knattspyrnustjóri Liverpool, er í litlu uppáhaldi hjá stuðningsmönnum Everton í dag eftir að hann lét þau ummæli falla í gær að Everton væri smálið. Framkvæmdastjóri Everton segir Benitez vera einn um sínar skoðanir.

"Þegar maður spilar gegn minni liðunum á Anfield eru leikirnir oft mjög erfiðir og í dag var það aðeins annað liðið sem hafði áhuga á að vinna leikinn - hitt vildi ekki tapa og var alltaf með níu menn á bakvið boltann," sagði Benitez eftir grannaslaginn í gær sem lauk með 0-0 jafntefli.

"Rafa Benitez er í eins manns minnihluta sem telur Everton vera smálið," sagði Keith Wyness, framkvæmdastjóri Everton á heimasíðu félagsins.