Kynlíf og ofurölvun í sóðateiti landsliðsmanna

Breska helgarblaðið News of the World birtir í dag stóra grein um sóðalegt teiti sem nokkrir af ensku landsliðsmönnunum í knattspyrnu héldu á klúbbi í London fyrir leikinn gegn Króötum í vikunni.

Heimildamaður blaðsins segist hafa séð ónefndan leikmann enska landsliðsins í heitum kynlífsathöfnum með óþekktri stúlku bakvsiðs á klúbbnum, þar sem stúlkan gaf honum fyrst munngælur, en svo hömuðust þau saman í langan tíma og kærðu sig kollótt um umferð fólks.

Þá var annar ónefndur landsliðsmaður ítrekað að biðja dansarana á klúbbum að koma með sér í þrímenning.

John Terry ku hafa stolið senunni á klúbbunu fyrr um kvöldið, en hann missti af landsleiknum vegna meiðsla. Hann lét það ekki aftra sér frá því að skella sér á dansgólfið á klúbbum og tók ansi góð spor með stúlkunum sem þar voru staddar.

Teitið var haldið vegna afmælis Shaun Wright Phillips og þar voru menn eins og Frank Lampard, Ian Wright, Ashley og Joe Cole og Didier Drogba. Flestir þeirra drukku þó lítið og höguðu sér sæmilega.

Ölvunin í partíinu var gríðarleg að sögn blaðsins enda splæsti Wright Phillips 6,5 milljónum króna í herlegheitin. Minnst tvær stúlkur ældu á gólfið vegna ofurölvunar, en enginn var jafn ölvaður og landsliðsfyrirliðinn John Terry.

Hann á að hafa verið orðinn svartfullur frekar snemma um kvöldið og toppaði frammistöðu sína með því að míga á gólfið. Hann mun hafa ætlað að míga í plastmál en hitti ekki og það fannst vitni News of the World ekki vera framkoma sem væri fyrirliðanum sérstaklega til sóma.