Vaknaði úr dái í þrjá daga

Kona sem var í dái í sex ár á sjúkrahúsi í Bandaríkjunum komst til meðvitundar í þrjá daga fyrir nokkru. Fyrstu orð konunnar, Christu Lilly, voru: „Ég hef það gott.“

Lilly gat borðað með fjölskyldu sinni og kvaðst ánægð að geta hitt tólf ára dóttur sína og þrjú barnabörn.

Árið 2000 féll Lilly í dá eftir hjarta- og heilablóðfall en síðan þá hefur hún komist til meðvitundar fjórum sinnum í stuttan tíma. Læknar geta ekki útskýrt orsakirnar en telja miklar líkur á að hún muni komast aftur til meðvitundar.