Þetta lið á mikið inni

Arsenal fór hamförum í 7-0 sigri sínum á Slavia Prag í Meistaradeildinni í gær, en Arsene Wenger knattspyrnustjóri segir liðið enn ekki komið nálægt því að ná sínu besta.

Sigur Arsenal í gær var 12. sigur liðsins í röð í öllum keppnum og vantar liðið nú aðeins tvo sigurleiki í viðbót til að jafna félagsmetið (14 sigra í röð) sem það setti fyrir 20 árum.

"Fyrir tveimur mánuðum sögðu menn að ég væri galinn af því ég keypti ekki leikmenn og við vorum ekki taldir á meðal sjö bestu liða á Englandi. Liðið er hinsvegar búið að leika vel að undanförnu og þið hafið enn ekki séð það besta frá því," sagði Wenger hróðugur.