Lampard í stuði

Nú er kominn hálfleikur í viðureignunum sjö sem standa yfir í enska deildarbikarnum í knattspyrnu. Arsenal hefur yfir 1-0 á útivelli gegn Sheffield United í sjónvarpsleiknum á Sýn þar sem Króatinn Eduardo skoraði laglegt mark í upphafi leiks.

Chelsea hefur yfir 2-1 gegn Leicester á heimavelli eftir að hafa lent undir í leiknum. Frank Lampard hefur skorað bæði mörk Lundúnaliðsins.

Tottenham hefur yfir 1-0 gegn Blackpool heima í fyrsta leik Juande Ramos með liðið. Robbie Keane skoraði mark liðsins.

Þá hefur Blackburn yfir 1-0 gegn Portsmouth á útivelli þar sem framherjinn Benni McCarthy skoraði fyrir gestina.

Markalaust er í leikjum Luton-Everton, Liverpool-Cardiff og Bolton-Man City.