United hefur yfir gegn Boro í hálfleik

Nú er kominn hálfleikur í leikjunum sem hófust klukkan 14 í ensku úrvalsdeildinni. Manchester United hefur yfir 2-1 gegn Middlesbrough á Old Trafford þar sem Nani náði forystu fyrir United með stórbrotnu skoti, Aliadiere jafnaði fyrir Boro, en Wayne Rooney kom heimamönnum yfir á ný.

Chelsea hefur yfir 2-0 gegn Manchester City þar sem Essien og Drogba skoruðu fyrir heimamenn.

Fulham hefur yfir 1-0 á útivelli gegn Sunderland með marki frá Simon Davies.

Birmingham og Wigan eru jöfn 1-1 í hálfleik þar sem Mario Melchiot kom Wigan á bragðið gegn sínum gömlu félögum en Oliver Kapo jafnaði fyrir heimamenn.

Ekkert mark er svo komið í leik Reading og Newcastle þar sem Brynjar Björn Gunnarsson er í byrjunarliði Reading en Ívar Ingimarsson situr á bekknum.