Besta lið sem ég hef spilað með

William Gallas hrífst mjög af unglingasveit Arsene Wenger hjá Arsenal og segir liðið sé það besta sem hann hafi spilað með á ferlinum - betra en tvöfaldir meistarar Chelsea sem hann lék með áður.

"Við erum að spila betri knattspyrnu en nokkuð annað lið sem ég hef verið partur af," sagði Gallas við Sun fyrir leikinn gegn Sparta í kvöld. "Er þetta lið öðruvísi en Chelsea þegar ég spilaði þar? Sannarlega, þetta er betra lið. Ég er mjög ánægður að spila með Arsenal," sagði Gallas.

"Ég man þegar ég var að horfa á liðið úr stúkunni þegar ég var meiddur og ég man hvað ég var spenntur að horfa á ungu strákana spila. Ég var eins og lítill strákur og tók þátt í leiknum eins og hinir áhorfendurnir. Það var rosalegt að sjá ungu leikmennina vinna Newcastle í bikarnum og þá sá ég hvað við erum með rosalega breidd í hópnum. Ég man aldrei eftir að sjá svona þegar ég var hjá Chelsea," sagði Gallas.