Everton í fimmta sætið

Everton smellti sér í fimmta sæti ensku úrvalsdeildarinnar í dag þegar liðið lagði Middlesbrough 2-0 á heimavelli sínum Goodison Park. Middlesbrough fékk fullt af fínum færum í leiknum en náði ekki að nýta þau.

Varnarmaðurinn Joleon Lescott kom heimamönnum á bragðið þegar hann skoraði með skalla snemma leiks, en hann er markahæsti leikmaður liðsins á leiktíðinni með fjögur mörk og hefur farið mikinn á báðum endum vallarins. Það var svo Steven Pienaar sem tryggði þeim bláklæddu sigurinn.

Leikmenn Middlesbrough fóru skelfilega með úrvalsfæri sín í leiknum og hefðu með öllu átt að skora ein þrjú mörk í fyrri hálfleiknum einum saman.